English Premeir League

July 31st, 2007 2:29 am by Gerrarda-pa

August 11 atang chuan, a en a kan en phak tawk tawk, English Premeir League chu an tan dawn ta!!! Club hrang hrang te chuan an player tur te, an neih sa te, la thar in an tuai hnum mek a, chanchin a ngaihnawm tan hle mai. Champion lai Manchester United chuan pawisa an seng nual tawh a, an player lak thar thenkhat Nani, Anderson te hi chu ziaawm turah lo ngai nghal phawt mai ila. Chelsea chuan Roque Santa Cruz leh a free in player an la nual mai a, an chhe lovang! Chutah John Terry chuan hlawh-bi thar nen kum bul a tan dawn a, a phur surh surh tur ah ngai teh ang. Liverpool hian club thenkhat lak theihloh Fernando Torres an la a, player naupang neuh neuh leh Voronin, Benayoun, Babel te la thar in tan an la nasa mai a. Rin kai pawl tak an ni. Arsenal hi Henry(Awnri)’n chhuahsan mahse Emirates Cup ah an champ nghal danah an chhe lo. An player lakthar Silva hi goal thun lamah chuan a inthlahrung duuuk kher lo ang.

Heng BIG FOUR bakah hian Newcastle, West Ham, Man City, Tottenham, Portsmouth te hi an thlahthlam theih miah lo thung. Chuan sawi hmaih theih miah loh tur chu kaithar Sunderland te, Birmingham te, Derby County te hi an ni bawk. Sunderland, Roy Keane-a ho te hian kumkhat chauh Premiership khelh an tum mai ring suh. Birmingham lah hi player thar nena phur taka rawn kaithar an ni a, a ti hmuhnawm tu tur pakhat chu an ni ve ngei ang.
Champions’ League khelhphak ngei tumin Big Four lo ho, team tha tak tak te khian tan an han la tur te, an hnuai chiah ah UEFA Cup khelh tumin club pariat vel an rawn innawr leh ngei ang, ‘Aw, thlen hlan ka nghakhlel’, tia zai veng veng mai bak tihtheih a awm bawk si lo.

Mizo zinga ngaihdan tha lo tak mai, kan sawi fo chu ‘in lo sawi in lo sawi ve a, engmah a sawt lo, an hre ve chuang hlei nem’ tih hi. Khawiah pawh football hi khel se, kan sawi ve thiang vek! World Cup ah te pawh ram zawng zawng tel theih a ni lo, mahse ram za chuang tak meuh meuh in pechhuak in an sawi zui lawm lawm a. Hetih laia Mizo in-a kan sawi ve tur a awm lo tih hawi zawnga an lo sawi ve chhen hi chu a tha ka ti lo.

Similar Posts:

Recent Posts:

13 Responses to “English Premeir League”

  1. 1
    Aryan Says:

    An lo phur ve em em a. Beckanghama pawh a awm tawh silo Football pawh ka en peih tawh lo. Nikum World Cup lai khan Man Utd leh Liverpool club ka tlawh ve a, man utd ho chuan an football pitch a grass rah pawh an phal lo. Alex Ferguson a ka chibai ve leh nghal a, Audi Black sedan a khalh leh nghal. Ka zinna chanchin hi C Dina Lelte.net ang deuh hian ziak ve ila ngaihnawm in ti awm hlom :D

    Report this comment

  2. 2
    Val_brosky Says:

    Beckanghama i tih hi David Bekham ni turah ka’n ngai ngawt a. Ani awm tawh loh avanga EPL i en peih tawh loh chuan LA Galaxy ho inkhel en dan ngaituah la a that dawn chu. Kei chuan mimal pakhat avang ngawtin football hi ka enin ka en loh phah lem lo.

    Kei chuan Manchester United ka tan e. Tevez kan lak theih phei chuan kan tawrhhlelhawm leh viau ang…. tan hma hauhin kan champ chu a ni leh thawthang tawh mai…heheh.

    Report this comment

  3. 3
    Zaia Says:

    Gerrard-a pa Santa Cruz hi Blackburn-ah a lom a luh. Aryan, i zinna chanchin chu han ziak teh. Tlem te tein misual.com ah hian rawn post la, a ngaihnawm ngawt ang. Kan hriat loh i hre teuh dawn sia……

    Report this comment

  4. 4
    ZOaTlau Says:

    Aryan chu saprama i zin vang nia’nga Mizo i hmuhsit em em :) tak takin i zin chanchin leh thlalakte chu min lo ‘share’ ve la maw le…

    Report this comment

  5. 5
    zza Says:

    Aryan hian kan hmuh ve loh hi a ziak teuh anga a va dawheh awm te kan ti jeih mai lo’ng maw. Tin, tumkhat zinthuak avanga thil hriat vek thu va awm suh. Chu ai chuan thilchik taka ralkhat atanga info and data collect tute hian thu hi thiam takin ziak sela a ngaihnawm fe ang. Peih ho (die hard fans) te hi chuan a poimoh hi an google out zung zung th maia, pic lah tha thei hlom ropui si. EPL thunawi hi chu kei ka chhiar peih thak lo … tlangval ho leh KTP ho nula hma a inhriatsiak vela an sawi mam mam te hi incheina chikhat anih bakah Aizawl news paper hnung luahtam ber a ni; miho nihna nge? mithorong nihna nge? CKna nge? Developed countries ho ina media hmanga kan nihna bo thaka min assimilate na tur nge?? Ram leh hnam tana rilru pe si lova EPL addictna nge?? Vei vak lem lova sports anih anga football a tuiho tana dah tur nge?? a hmei a pa nunau nena buaipui luai luai tur nge??? …. lolz :-)

    Report this comment

  6. 6
    Aryan Says:

    Ka la rawn share ang, ka hmai hmeltha fai fel no chik chek hi kan ti rang phawt anga, a chhan chu fans ho hian min lo star lutuk palh ang.

    LOL ZZA, aizawla burma mi tu ten amo ni John Cena hi kan chhungte an ti ani lom ni kha. :D

    Report this comment

  7. 7
    Gerrarda-pa Says:

    Zaia, ka tihsual a ni tak e. Ka lawm hle mai min rawn bengvar a. Pizzaro nen hian ka lo hriatpawlh alawm mawle. Buara Ruk khat lawih lawih in lawmthu ka hrilh a che!!!!

    Report this comment

  8. 8
    roniez Says:

    MANCHESTER kan champ dawn!!!! hehe

    Report this comment

  9. 9
    Hotmail Says:

    Possible. If it is not Man United, it could be Chelsea or Liverpool. But not Arsenal.

    Report this comment

  10. 10
    Val_brosky Says:

    Kan tlar hnung lam hi an tha a, mahse inhliam awm ta se, thlaktu tur hi kan nei tha lutuk lo, a bikin Neville thlaktu tur hi. A lai hi chu ngaihtuahawm vak loh, mahse defensive midfielder kan nei tha lo tlats, Nicky Butt kha ka ui thin alom. A hmatawng hi duhthusam tih tur ni lo mah se, an chhe lo. Ball kang lo dawngsawng turin Rooney leh Saha aia tha kan mamawh, lei hrulah chuan an ngaihtuahawm loh. Mahse, kan tha tlang e. :)

    Report this comment

  11. 11
    myself Says:

    EPL chu sat day leh sun day ania, tlai lam hun hman nan a nuam ber alawm. a en a hlim pui ber nih kha anuam ber mai, a history leh neuh neuh hre teuh ai chuan. hmmmm

    ka en hman mang ta lo hi ka ui thin a. kar tin en hman zat zat chuan , a player te hriat bak ah , an inkhelh dawn hian, manager hian eng ang formation nge a hman ang?? an next match nen ngaihtuah in player tunge a hmang ang? etc vel hi rilru ah hian a lang ve a.nuam ve deuh ani.

    EPL en hi kasauti te anga rual pawl na a ngaih tur chi ani lem lo chuan ka hria. football a tui te en chi ani.

    Report this comment

  12. 12
    roniez Says:

    Val, defensive tur chuan Hergreaves kan nei a lom. lungai mahta che.

    Report this comment

  13. 13
    Rooney Opa Says:

    English Premier League han tih hluaina post ah chuan a va inziak ho leh si ve :-S

    Report this comment