Independence Day Celebration Football Tournament

July 30th, 2007 5:29 pm by rka_49er

July 30 2007, Thawhtanni hian Independecen Day Celebration Football Tournament, MFA buatsaih chu khelh tan a ni dawn a. He tournament hi AIFF recognized a ni dawn a, Mizoram-a vawi 1-na a nih hmel. Tun tournament-ah hian State pawn club tha 2 sawm an ni a, chungte chu Manipur Champion TRAU (Tiddim Road Athletic Union) leh ARC (Assam Regimental Centre), Shillong Club hlun te an ni.

Tichuan avaiin team 7 telin group hnihah an inthen a. Group A-ah 3rd MAP, Zotlang FC leh TRAU te awmin Group B-ah FC Kulikawn, College Veng FC, Luangmual FC leh ARC te an awm thung. ARC-ah hian Mizo khel an awm nual. 1st Bn MAP lam anmahni harsatna vangin an tel thei dawn lova. League system-a khelin point hmu sang ber leh a dawttu ten semi-final an khel ang. Opening Match ARC leh Lungmual FC ten vawiin dar 1:00 pm-ah an khel ang.

He Independecen Day tournament-ah hian Champion team-in trophy bakah tangka fai Rs.50,000/- an dawng ang a, runner-up in trophy bakah tangka fai Rs.30,000/- an dawng ve thung ang. Mizoram tournament siam tawh a pawisa tamna ber pawl a ni awm e. Lawmman a tha tawk a, State pawn team-te hian a hming mai mai a khelh an tum loh hmel viau a, chutih laiin State chhung club-ten State pawna trophy hawn tir chu an tum hmel loh viau. He tournament hian kan Mizoram football dinhmun, senior level-ah eng ang chiah nge kan nih tih a tarlang ang. State chhung club-te hian home advantage an nei ang a tih theih ngawt bik loh a, ARC te hi 8th Assam Rifles hmun an thlen chilh a, an home a ni ve tho mai. Chutih laiin TRAU te hi Manipur chhuak Aizawl-a awm tam takte hian an tawiawm tha hle tura ngaih a ni bawk si.

A hmuhnawm dawn a. Group match atan bik Ticket Rs.10/- chauh a nia, a na lo. Inkhel tui tan chuan en ngei chi a ni.

Similar Posts:

Recent Posts:

3 Responses to “Independence Day Celebration Football Tournament”

  1. 1
    DaGGyLo Says:

    @rka_49er: Dinthar F.C an tel ve na nge?

    Report this comment

  2. 2
    rka_49er Says:

    tel lo, 2nd division-ah an tla tawh in ka hria.

    Report this comment

  3. 3
    samuel zohmingliana Says:

    chanmary west S,C te hi an tel ve na nge?

    Report this comment