Kuthnathawktu iangin thalai inhmukhawm!

April 29th, 2007 2:28 pm by ZOaTlau

Misual dot commers phaia awmte tan chuan rawn tel ve theihna ‘chance’ a awm lo. Mahse in ‘moral support’ kan dawn tho a rinawm tlat. In vei ang vei mi 80 vel chu Inrinni(April, 28, 2007) khan Chanmari YMA Hall-ah kan kalkhawm a, he’ng thalai kalkhawmte hi journalist tuaithar, thalai University/College lecturer, thalai mahnia sumdawnga eizawng, thalai pawl thenkhata hruaitu leh thalai ram hmangaihtu engmah thawh nei chuang lo te kan ni hlawm a.

Thalaite sawrkar siamthat duh kalkhawmte ngaihthlak tur hian Vanglaini Editor K Sapdanga leh Pu Vanneihtluanga te chuan paper an present a, resource person-te’n paper an buatsaih an sawi zawh hian a duh apiangin thu an sawi.

Thusawitu hi chhinchhiah dan chuan mi 24 vel chiah chiah kan ni a, thusawitu chuan a tlangpuiin rorellai leh eptu party-a rinna an neih zawh tawh loh thu an sawi deuh vek.

Zoram tluchhe tawh lutuk te sawi pahin, Stadium sakna atana Central-in Vaibelchhia 25 min pek a phal tawh, kum 2 liam hnu pawha central-a la bawhzui loh sawi chhuah ni bawkin Sangzual Hmar chuan, “Sports Minister-in Assembly session hnuhnung berah khan he sum hi ‘a awm’ tiin Mizoram sawrkar kuta awm tawh angin a sawi a, hna tan mai tur angin a siamna hmun tur an en a, hetihlai hian Central lamah RTI hmangin Zozam weekly chuan a zuk chian a, Central Finance Department lam chuan ‘in la rawn bawhzui lo a, kan la pe reng reng lo che u,’ tiin an lo chhang,” tiin a sawi.

Thusawitu tam takin Mizoram dinhmun chu a chhe zawng zelin a kal thu an sawi uar hlawm hle a, kum 2008 inthlana tuna kan ram hruaitute hi an tling leh a nih chuan a chhe leh zual zawngin kan kal ngei an rin thu an sawi.

Thalaite chuan party lian tak Kuthnathawktute leh corruption dotute nena tangkawpa siama mi tha tak tak vawrhchhuah an chak thu an sawi nawk a. Amaherawhchu fim taka kal tum a nih avangin inhmuhkhawm hi huaihawt leh thuai tum a ni a, ‘thalai forum’ siam an chak thu an sawi hlawm. Misual dot commers te pawhin he misual.com kaltlang hian chanchinthar engkim in lo chhiar thin dawn nia.

He inhmuhkhawm zawh rual rual hian Tetea Vanglaini chuan, “Misual dot com-ah Zoa lo post tum la,” tiin a ngaihpawimawh thu a sawi hmasa ber a, detail chuan post theilo mah ila a tlangpui ka rawn ziak e. LPS lam pawhin he inhmuhkhawm hi full coverage neiin an nilen pui.

Related:

* Heng retheite hi khawi atanga lo kal zozai nge?

* Kuthnathawktu picture update

Similar Posts:

Recent Posts:

42 Responses to “Kuthnathawktu iangin thalai inhmukhawm!”

  1. 1
    benjamin Says:

    Pu Zoa, many thanks for bringing the news.

    detail chuan post theilo mah ila a tlangpui ka rawn ziak e

    – a tawi fel khawp alom.

    Report this comment

  2. 2
    Vladimir Putin Says:

    Ka rin ai daihin he thil hi in lo la ‘serious’ a, ka lawm khawp mai. Hetia misual.commers (also known as internet using class Mizo people) ten kuthnathawkte leh thingtlang lam mi sorkar sum chang velo ho tana kan “moral support’ in lo lawm chu kan rin phak bakin keini pawh kan lawm ani. Kan tih theih chhun sum lam talin rawn tanpui theih che u ka tum ang.

    He thi lah hian MNF party chuah do va, Congress emaw MPC/ZNP tan kan ni lo tih kan entir ngaiin ka hria, chuti lo chuan anti-MNF pawl, opposition party tanpuina hmu pawl ah min puh vat mai ang. Congree pawh a bik takin ro ran rel lai khan an corrupt a, kan tan bik lo tih lantir reng a that lawng maw ?

    A hmasa berin tuten emaw kan ‘moral support’ hi kuhnathawktute hnena then thei awm se ka va ti ve. Anmahni chauhvin an ding lo, tih hi lo hria se, an beisei a san nan. Anni pawn kan rilru tlem lo hre ve sela. Kna in tanpui chuan Zoram tan kawl a la eng thei ang.

    Report this comment

  3. 3
    Coca_Kawla Says:

    inhmuhkhawm awm leh hunah ka tel ve tawh ang,ka tel chak na zawng tawk a ni.

    Report this comment

  4. 4
    3d-lover Says:

    A tha e……. Its a beginning…..Mizoram ah chuan om ve ila chuan…..

    Moral chauh lovin…action in support che u kan chak teh rang nen…a pawi khop mai..

    Report this comment

  5. 5
    islander Says:

    Han tihkawm zel teh u. Kan ram siam tur hian thalaite ani Mizoram hian a mamawh. Heng thalai te mobilise tur hian kiltin ah thahnam ngai taka thawh a ngai. A bultumtu te hian nihna ni lovin Kan Ram tluchhe mek tundin hi rilru pui berah nei sela. Ka tran bon top che u.

    Report this comment

  6. 6
    HJ Says:

    Misual dot commers phaia awmte tan chuan rawn tel ve theihna ‘chance’ a awm lo. Mahse in ‘moral support’ kan dawn tho a rinawm tlat.

    ZOaTlau, khi khian India ram pawn a Mizo awm te pawh i rawn hmer telah ka ngai a, i ti lawmawm khawp mai. Mi threnkhat khat hian Mizoram siam tha tur chuan Mizoramah rawn haw rawh u. In awmna atang in rawn sawisuh u tih hi keimah chang lo pawh hian kan tawk fo a, Hna avang leh remchan rih loh vanga rampawna awm avanga Mizoram vei ve loh tur tihna em niang? Tuna inhmukhawmho ngaihdan leh Pu Vanneihtluanga ngaihdan ka hre chak ber nia. Moral support tel pe ve thei turah ram pawna awm te hi min rin lut ve em tih hi a ni.

    Report this comment

  7. 7
    Zorun Says:

    A tha, hetiang hi a ni hriat ka chak ni. Kar hmasa khan he tiang dungthul deuh hian article pakhat ka ziak a chu chu MSA website tharah a awm: http://www.msabangalore.org/content/view/18/44/

    Report this comment

  8. 8
    Hibiscus Says:

    Hetiang tak hi alom Mizoram tan kalo dream thin.

    Thalai lehkhathiam a ngaihna hria..khawhawi zau miram chanchin te poh mi sawi mai nilo a tem a tem tawh chinin tawngkam ringawt loa Mizoram an vei tan hi.

    Tuna kan politician ho lakah beisei tur a san loh zia chu Mizoram a khawsa lo pohin kan hre em em a.India rama state dangho hmasawn nasat zia kan hria a,kan rama awm veah kan it thin a,kan hruaitu te ho lah chuan an mahni in haivur bak kan ram tana hmasawnna kawng dang ngaihtuah an tum bok silo.Mizorama hawn chang te hian a hahthlak hi kalo tive thin..

    Hetianga thalai Mizoram siamthat duh tak tak an awm a nih chuan Mizoram tanah hian khua ala var ngei ang..

    Report this comment

  9. 9
    commieguerra Says:

    Hetiang tak hi alom keini pon kan lo nghah thin …. spread the word .Educate the masses

    The system we learn says we’re equal under law
    But the streets are reality, the weak and poor will fall
    Let’s tip the power balance and tear down their crown
    Educate the masses Eradicate the fascists, revolution will grow.

    Report this comment

  10. 10
    Val_brosky Says:

    Tel ve a va chakawm ve a…. EIRU SORKAR hi chu, MNF an ni emaw ni lo emaw, ka ti theilo ve teh mai a nia o.

    Report this comment

  11. 11
    jonan Says:

    humble beginning for a great cause!
    spare me if i may a lil’ cautious – tuna kan hruaitu/sorkar hnathok/opposition-te poh hian eiruk/hlemhlet tum tak chuan bul an tan ka ring bik chiah lo.mahse eiru thei dinhmunah an han dinga, diklo takin an che chho ta vak mai hi ani a.
    hetiang a nihna/hausakna hmanrua a ngailo tur hian a tir atang hian
    kan thailai member leh hruaitu te hi kan inzirtira, thute poh kan tiam
    tlan hi a tha long mo aw????.
    tin,pawl/society tum tha tak2 nei te poh anlo ding nual toh thin. mahse
    sorkarin an hruiatu tlemte ’tilomin’ an ka a hup leh zel thei si. heng hi
    kan nih ve lul loh nan a tir atang hian tan ila ang u.

    Report this comment

  12. 12
    ZOaTlau Says:

    @HJ: In comment ringawt pawh hian nasa takin thil a ti thei asin. In comment hi in phal chuan ka lo tarlang ang, chu chuan ram siamthatna kawngah kawng a sial thei si a

    Report this comment

  13. 13
    hltau Says:

    Party dang siam leh ngot ai chuan, sawrkar khalh ngil lam hi beingawrh i la thil tha tak ani mai thei, entirnan, project lian pui pui sawrkarin atih ah hian thalai te hi involve lui talh hi, social auditing hi uar i la, RTI te alo awm ve tawh bawk si a, entirnan BAFFACOS project a rigot pawh hian kan sawi sup sup a, stattistics leh a prove theih na thlap turin research ti peih i la, NGO ang pawhin social audit tih nan Central govt ah te fund a dil theih a, kan zin hah na mante, paper print na te etc.. a tlawn ngot hi chuan tumah a thawh theih loh a, Mizoram chu kan in chhung kual vek a , hei hian social audit hi mi ti tim a ni mai thei, nge kan in to delh lo lutuk hian, ” aa. nakinah ka mamaawh takin” tiin kan in bei chhiah ngam lo thin. Eduation ah kan ti chhia a, Rural developement ah kan chhe bok a, Agriculture ah phei chuan kan pawisa invest ngaih tuahin kan ti chhe hle mai, industry ah lah chu ti hlauh, power nise, buaithlak, Health hi mihring kan tlem hrin hrim a an record erawh a tha fu. Thalaite hi kan begnchhen peih chuan kan rin ai daihin kan ram tan hian kan thawhhlawk thei phian ang.

    Report this comment

  14. 14
    Vladimir Putin Says:

    hltau rawtna hi ngun taka en chi ani, a mal malin. Mhase thil pakhat hriat tur chu, thalaite aiawh tur YMA, MZP an awm duah tawh a, annin an tum loh chan keini tlem te hian tih theih kan nei tlem. Mahse hltau sawi angin RTI hmang pawn tih theih kan la nei cheu. Kei amn a theih chin chn ka lo tum tran ang. Mahse he website ah hian ka tar lang dawn lo, a chhan chu Russian President tih an hriat ka duh lo !

    Report this comment

  15. 15
    jonan Says:

    hei tak hi nia a tu a te pawh hian kan thil hriat kan reveal ngam chiahlo.
    avang chu ka pa/pa te a etc etc te sorkar hnathawk an ni si a. sorkarin
    an sawn per lawp2 leh dawn si a.
    tin mzp, yma tihte hi chu kei innghahna tlakah ka ngailo. a politicize zo vek
    toh. soi leh soi hnu, hruaitu tlemte sorkarin an ka a hup zo vek zel si.

    Report this comment

  16. 16
    Vladimir Putin Says:

    jonan says: “mzp, yma tihte hi chu kei innghahna tlakah ka ngailo. a politicize zo vek”
    A va dik. Hei pawh hi tun kum ah chiah ania kan sawi chhuah. Nikum te ka chuan tunge YMA sawichhe ngam ? Pathian ang maiin alawm kan hlauh.

    Report this comment

  17. 17
    zuala12 Says:

    Thalai te hian he ram kalsiam mumal lo lutuk hi engtik ah tak rawn vei ang maw..ti a ka lo thlir ve dauh dauh thin chuan beiseina kawl eng min hmuh tir dawn ta a ang hle mai,rilru fim takin,hreawm pawh huamin hma lak ni sela,tute emaw remchang hmanna mai mai atan chuan thalai te hian hmanrua mai nih tum lovin,kan nitin nunah te,kan fianrial nun ah te,kan kawng kal lai te hian he Mizoram tan hian kan ngaituahna te hi seng ila,Zoram hian hmangaih takzet tu a tlachhamlo a ni tih hi i lantir tawh ang u…..Thalai pawl in din a nih chuan kei pawh thalai ka ni ve a,min lo telh ve dawn em niang?

    Report this comment

  18. 18
    luliana Says:

    Sawhthing an ti, baffacos an ti leh, a tam mai a dang pawh..mahse a khawi amah hi mirethei ten an hlawk pui leh tak2 si lo…a buaithlak zo vek tawh a nih ber hi!!! A mihring thiamloh pawh a ni hran lo, kan Zoram politics kalhmang hi a bawlhhlawh tawh lutuk a mi tha leh fel tan chuan inhnamhnawih chi pawh a ni tawh lo..

    Report this comment

  19. 19
    apatea Says:

    awm ve ka va chak ve… report kimchang zawk te a awm thei lo maw hehe.. an thil soi te ngaihthlak liam2 a va chak awm vele

    Report this comment

  20. 20
    chepahakhata Says:

    New Zealand ka awmna ram hi khawvela corruption tlimber 2-na a ni a, dik takin thil an ti theuha an lalna an hosanna avangin dan an bawhchhiatin heider leh ngaihdam an ni chuang lo. Tun Prime Minister nimek Helen Clark-i hi a meeting kaltur a hmanhmawh a vangin a car dan phal baka chakin a tlan
    avangin police-ten dan ang takin an fine tir a, dan zah takin a fine ve mai.
    Kan Mizoramah tehhian tianghian dik takin thil ka ti ngam em? Sawrkar hruatu lian, YMA,MZP & Synod thil tih a nih vang a a dik a maw dik lo a maw kan pawmpui a, dan pel a an thil tih action kan lak ngam loh chhung chu kan ram kan hnam kan thang chho lawk lo ang!!

    Report this comment

  21. 21
    lubuka Says:

    Mipuite hi kan dik a kan fin ve deuh tawh hi chu a ngai alom. tuna kan minister te poh hi kohhran upa an ni fur ania. chuvangin tu hi nge mizo zingah dik awm ang tih hi hriatthiam a har. Eirukna hi YMA te hian thi leh thau pawlin do se… mipuite hian eirute hi hmusit ila..eiru ngamlo khopin siam ila… chuti nih loh chuan mihring fel taka kan ngaihte pawh hian an eiru hrehlo leh tlat thin alom. keimah hi Mizoram chief minister ni tur chuan ka tha ber ang. ka inrintawk ber. min vote chur chur ang che u..hah

    Report this comment

  22. 22
    vawrselapa Says:

    Thingtlang lama thalaite pawh ngawi rengin kan lo tel ve e. Kan ram hi kan theih ang tawk leh kan phak ang tawk chuan kan vei ve thin a, mahse keini tan chuan tih theih a tlem em em si. Khawpuia thalai rualte hian, thingtlang mirethei, Zoram mipui tam zawkte hi min khawngaih a, min vei ve tak tak niin kan hmu tan a, kan lawm a, kan thla a muang a ni.

    Mahse, hei hi kan sawi duh. Tuna kan politician-te zingah hian ‘mifel sawm’ pawh kan hmu lo. In kalkhawma in ngaihtuahna ang hi hun engemaw chen atang khan kan ngaihtuah tawh a, kan sawi ngam lo a ni. ‘Kan hruaitute hi an vaia thlak an ngai’ tih hi. A thlaktu tur, thalai lehkha thiam in tih zingah hian rilru diklo pu an awm hlauh ang tih erawh kan hlau tel. (Lo kaltlangpui ta ila) Kan hlau tak tak. Chutiang an awm a, kan rinna kan nghahna ber te’n min tihbeidawn leh chuan ZKP hotupa sawi ang khan, he Zorama thisen luang tur hi dan ngaihna a awm tawh kher lovang.

    Report this comment

  23. 23
    hltau Says:

    YMA leh MZP kutah dah tur pawhin an mahni motivate angai thin a, mahse thil tih dawn reng reng hian , champion tu kan mamawh a, vei bik, mi huiasen thil chhui peih mi, Christian dik tak, “dawizep theology” ‘i vengte hek suh’ tih a dik lo zawng ainterpret mi ni lo, kan mamawh a, chutiang mi kan awm nuk hun ah kan ram hi chuan kawl eng zai a rel ve ang. Mahse kan tlai hrat ang tih chu a hlauhawm. !! A ngaiah bawk, kan economy hi a la hniam em a, thil ti thei hi kan la hlau deuh thum a nih hi mo le.!!! Economy ber mai hi a ni, economy siamtur chuan hruaitu an pawimawh bok si. “Artui nge upa, Ar” ti ang vel kan ni.

    Report this comment

  24. 24
    mi(sual).com » Blog Archive » Kuthnathawktu picture update Says:

    [...] * Kuthnathawktu iangin thalai inhmukhawm! [...]

    Report this comment

  25. 25
    hrangkekuala Says:

    Nangni Zoram nghahfak thalaite u, ram leh hnam dinchhuahna hi in koah a innghat a ni tih hriain, tha leh zung, thiamna hmangin tho ta che u. He ram ding awna tlu lek lek hi eng chen nge in thlir dawn? Ram kal siam turin tumruhna nen ding ta che u. Motor chhuak thar, incheina man to tak tak, rangkachak nena intih changkan satliah ve ngawt a, hnam dang ram dang tih dan duhawm vak lo lai la a, len vel mai mai a hun tawh lo. Mahni kea kal turin dikna leh huaisenna hman a ngai ta. Eiruk vanga hausakna ngaihsan a hun tawh lo. Khatiang mai maia len kha chu e, Zoram hian a ngaisang thei tawh lo a, a mamawh bawk hek lo. Huau huau nun chena hun hman a hun ta lo. I ram hi tung ding turin nghah hman a ni lo tep ta. Chet a hun, tlai a hun ta lo. Khaw’nge ti-a rihsang mual liam lo turin i ram hi…

    Report this comment

  26. 26
    Crazy.Diamond Says:

    Keipawh Moral mai nilovin Full Support ka pe e. Tun dinhmun en hi chuan kan Political Parties (an vaiin) te ho ah hian beisei a bo map2 khawp mai. A tu a te pawh hi lal mahse angai te bawk ani leh ang.

    Nimin kha Chennai lamah chuan 2006-07 Session atana kan Inkhawm tawp ber ani a, Inkhawm pawh kan tlem tham viau a. Sharing hunah Pu LS-a’n Mizoram kal hmang a dik tawh loh zia leh siam that angaih tawh zia a sawi teuh nghe2. Kan Zoram hian siamthat chu a mamawh ani, veitu a ngah em mai.

    Kan Politician mai bakah hian a mimir te pawh kan in en chian a tul hrim2 in ka hria. Kan ram chereu tawh zia te en ringawt pawh khian a rilru nat thlak. Hmanni lawk khan Aizawl ah chuan ka haw chho a, khua pawh a lum tawh ngei mai. Summer lai ka awm lohna hi a rei ve deuh tawh a, ka awm hnuhnung ber nen a inthlau ta ngei mai. Aizawl khawchhung ah ngei pawh Fan ‘On’ angai tan ta. Tui lah a vang si, ram hausa zawk2 kan ni bawk si lo. Kan rama natural resources kan suat zel bawk si. Lo hal vanga Thlawhna Cancel pawh hi a khamawm ta.

    Hetiang anga kan kal zel anih chuan kan Ram “Kan Zotlang Ram nuam” ti a hla a kan sak dial2 thin hi chenna tlak loh ah kan siam mai ang.

    Khai aw!! Puan ven i sawichhing ang u aw??

    Report this comment

  27. 27
    Vladimir Putin Says:

    Puan ven sawi chhin hma in ka chempui ka tat hriam lawk dawn !

    Report this comment

  28. 28
    HJ Says:

    ZOaTlau, i tilawmawm hle mai, mahse keini ang duang chuan engmah thu lak tlak kan rawn sawi phak dawn loh bakah kan thu hriatte hi secondary source te anih tawh hlawm thin avangin, nangni a ram chhunga awmte ngaihdan chu a zahawm ber dawn tho tho tih chu a hriat sa a, mahse min la telh ve duh avang hian kan la rawn in tih neitu ve theihna erawh hi chuan min ti lawm hle a ni tih chu ka sawi duh a ni.

    Tuna in hmukhawmho hi ram tana thahnem ngaitute, mahni hma aia ram tana thawktute in nih avangin in zahawm a. He in hmuhkhawmna hi tu emaw tana politic zuan luh nana platform mai leh thisen chhuah kher lo a ram siamthat tumtu pawl anih ka beisei a. Nakin hnuah pawh in inpekna hlu tak hi thangthartena zirlaibu a an zir theih khawp in pekna, Mizoram siamtha duhtu pawl dang nena thawk ho thei leh human rights leh kan kristianna nena in hmeh pawl anih thei nan tawngtaina nen he pawlin a suk kuak tur hi kan lo thlir a. He pawl triak no tak hi rinawmna leh taimakna, dikna leh Pathian zah chunga a lo thanlen theih nan i thawk ho zel ang u.

    Zawhna pakhat leh lawk, he inhmukhawm ho zingah hian hmeichhia sawm tel an ni ve em? an tel ve reng em?

    Report this comment

  29. 29
    commieguerra Says:

    Fighting fire with empty words
    While the banks get fat
    And the poor stay poor
    And the rich get rich
    And the cops get paid
    To look away. Let’s tip the power balance and tear down their crown
    Educate the masses

    Report this comment

  30. 30
    Vladimir Putin Says:

    Empty words ? We will see. Already got addresses of some goodwishers. No violence, I promise, but that may not mean less action either.

    Report this comment

  31. 31
    Veepees Says:

    Nia, pawlitikal parti thar tih ai chuan kei chuan NGO, prawjek mawnitawring lam emaw, transperensi lam thil a tha viauin ka hria.
    2006 atangin RTI tepawh a lo awm ve tawh bawk a, hetiang hman tangkai nachang te hi kan hrelo lutuk a, tlem a lehkhathiam lo zawk leh thingtlang lam mi ah te hian legal awareness campaign ang deuhva he RTI hi inzirtir te pawh a tul tak meuh meuh tawhin ka hria. Kan hre lo lutuk hian thil tih theih leh theih loh pawh kan hre lova, a tumah hmang ngam lah kan awm hek lo. RTI record te kha in hmu ve tawh hlawm em, mizo hmang kan la tlem zia te kha, chuvang chuan hei hi hmanraw tangkai lutuk tur a niin ka hria. Tin, a tul anih chuan kut tawrh leh thawh pawh kan hreh tur niin ka hre tawh lo.

    Ka sawi tui dawn tlats, a tawp berah chuan pawl din anih pawhin inven lawknan transparen taka kal a tha in ka hria.

    Report this comment

  32. 32
    commieguerra Says:

    @Vladimir Putin its just a song hahah came to my mind while reading this post
    queensryche

    Report this comment

  33. 33
    Vladimir Putin Says:

    MAY DAY ! MAY DAY !! our ship SOE* Mizoram just hit an iceberg named “Massive Corruption” and is slowly sinking ! Save our 800,000 Souls as there are lifeboats for only 300 rich families. MAY DAY ! MAY DAY !!

    *SOE=Switzerland of the East

    Report this comment

  34. 34
    Vladimir Putin Says:

    Commiequerra, I was not serious, know it was a sonnet. Its lovely. “The cops get paid” They indeed were.

    Report this comment

  35. 35
    tlangvala Says:

    All the best and thats a real good news.

    Pathian rawn zel chungin aw..

    Report this comment

  36. 36
    ThugAngel Says:

    he in hmuhkhawm hian rah tha chuah kei pawhin ka beisei khawp mai…

    Report this comment

  37. 37
    Zorun Says:

    Hei hi Zoram natna vei mek chu a ni. Tihdam thuai a nih loh chuan chhan chhuah theih lohvin he natna avang hian mual min liam san dawn a ni. Khawvel ram hrang hrang kan en chuan he natnain a hrinchhuah chu tha leh hathialna chauh a ni. Chuvangin tanrual a pawimawh. Kuthnathawktu leh Thalai/Zirlaite hi heng dinhmunah hi chuan an ding tlang fo a. An sual ho thin tih history hmun tam takah kan hmu a. Chu chu Zoram hian a la hmachhawn ve ngei tur thil pawh a ang hla. Nausen piang mai tur a hi tha taka piang si lo hian a hlamzuih ang tih a va hlauhawm em. Fimkhur tak si, huai tak siin pen dem dem a hun e.

    Hman deuh chuan Aizawl hi tun ang hian a la inzawm put lo va, Thangthing khua, Durtlang khua, Luangmawl khua etc.. in tlang hrang te te in khaw hming an nei thin. CHutih lai chuan Aizawl aia khaw lian leh mihring tamna hi aizawl pawnah a tam zawk a, tualte te, Zawngnghak te, Champhai te hi ai zawl aia khaw lian sa vek an ni. Tin, tumah thingtlang bik emaw khawpui mi bik emaw an awm ngai lo, kan pi leh pute, kan pa te pa veleh chhawng ho kha chhut ula kuthnathawktu thingtlang mi vek an ni. Vai an nih ngawt loh chuan. Chu chu mizote dinhmun a ni. Hun a lo rei a, tunah thangthar mi tam tak chuan ka pu leh pite huna thil thlang leh a nihna te chu hriatthiam pui tawh lovin, thingtlang mi, kuthnathawktuho etc..tiin kan building lian pui pui leh electric power nen nuam sa takin kan thlir thup mai mai ang tih a va hlauhawm em.

    An dinhmun hi kan pi leh pute lo dinna thin a ni a, kan hmusit tur a ni lova, kan ngainep tawh lah a ni hek lo. Chu a hnekin kan finchhuah pui a, kan sual pui hi a changkang hmasa zawkte tih tur reng a ni. Chuvangin khawpui chhunga khawsa kuthnathawktute dinhmun hriatthiampui chin chuan an dikna chanvo leh nihna hi kan humhim pui tlat tur thil a ni. Tanrual hi chakna a ni si a.

    Report this comment

  38. 38
    Hotmail Says:

    Zorun, i rilru that vangin i beisei pawh a sang. Khawmpui awm hausa leh thingtlang a cheng rethei te chu lei leh van ang khawpin kan inhran tawh hi. Tanrual chu khawi lah a ni rigawt. Chuvangin e nei nein neih tam an duh a, an ham huam huam mai anih hi. BAFFACOS sum an inchuh nasat dan te, Information Commissioner office a hna ruak te a chang lo tur ten an chan tlat mai kha. Heti anih vang hian kan zinga pessimist deuh ten revoluion a hnai, an tih phah hial kha. Beidawn thlak tak ani.

    Report this comment

  39. 39
    Zorun Says:

    Ni e tiraw, beiseina chu a sang a, beisei ang erawh chuan thil hi a awm thin si lo a nih hi. TLemte ka han belh leh hlek ang a, kuthnathawktute han tih hian mi tam tak chuan thingtlang mi chauh emaw kan ti mai thei a, aizawl khawpuiah pawh mi tam tak an awm a. Tin, keima hmuhdanah phei chuan dik taka hnathawkte hi kuthnathawktu chu an ni berin ka hria a. Politics hi a tenawm em a, dik taka thil tih thinte an beh tlawk tlawk zel siah chuan RAWL an rawn nei chho ve chauh niin ka hria. Hetah hian an mawhphurhna an hriat a pawimawh hlein ka hria.

    1. Kuthnathawktute hian an aiawh Ukil leh dan hremi, social activist te ruai se, tichuan, an dinhmun leh an lungawilohna ah public media, TV emaw, Live in emaw debete ah cho rawh se.

    2. Thalai leh Zirlai Pawl te hi chuan Zoram hmakhua hi an thlir lawk thiam deuh mai bakah khawvela kuthnathawktute dinhmun leh nihna pawh an hriatthiam pui dawn avangin thawhhona tha leh intanpui tawnna tha nei turin in bia se. Thawk ho rawh se.

    3. Inthlan lo awm leh turah Party en tawh lovin, an candidate te mimal an innghat se, tin, an dinhmun leh an khua leh tui tana tih tak zeta hnathawk turin hming sign tir hialin in tiam tir mai se.

    Pawimawh dang pawh a la awm a, kan sawi seng rih lo va, UK sawrkar pawh Kuthnathawktu Pawl a nih hi hrerengin. Awmze thuk tak neiin Zoram kalsiam an sawi danglam thei a ni tih hi hria se, politics tenawm tak inrawlh theihna lakah pawh fimkhur hle se a tha ang.

    Report this comment

  40. 40
    hltau Says:

    Aizawl chereu tih tak ah chuan, kei chu Milian hoin Office velah AC an hmang hi ka ho tlats. AC tel lovin a la awm theih em mai a, boruak an ti thianghlim lo, AC hmangve lo te tan khua an ti lum zual, sawrkar (Public) money an hman theih vang a, lum vak lem loh lai pawh a, Officers ho in AC an on vut vut hi ka ngaithei thak lo. lo chik ve teh u !!!

    Report this comment

  41. 41
    lyana Says:

    Mizoram Chief Infomration Commissioner Pu Robert Hrangdawla hi MNF Sawrkar hian a duh lo takzet2 avangin MSU ho mawng hi CM in a hiat a, chuvang chuan an sawisel vak vak a ni, a ni ang tluka mi huaisen leh dik hi mizoramah an la piang lo ang. Hnalak chungchangah pawh hnanget lo chu an mamawh dan a ziri a lak theih reng, mahse tawp chin nei a ni deuh zel. Advertisement emaw employment exchange kaltlanga tih kher a ngai lo. Zirlai te leh thalai te hi politics tenawmin min buai a mai mai thin a ni. Mizo sipai huaisen te kha hnamdang mifing chalak tak tak ten an huphurh thin avangin an fin an chelh lo fo reng a ni! K. Sapdanga pawh hi politiks ah zuan luh a tum a, ka mirin ber mai a ni a, ka ring ta thlawt lo e.

    Report this comment

  42. 42
    ÄÅÌÎÍÒÀÆ ÄÎÌÎÂ Says:

    ÄÅÌÎÍÒÀÆ ÄÛÌÎÂÛÕ ÒÐÓÁ ÊÎÒÅËÜÍÛÕ…

    minny…

    Report this comment