Kan Editor pui roh hi

February 8th, 2007 3:45 pm by stranger

Tunlai chu www.misual.com thlarau hian min han chiah hneh khawpa, ka rilru leh ngaihtuahna luahtu ber zu han ni tlat peka. Engvangin nge Benjamina pui roh hian kan website atan hian misual.com ber kher a thlan le aw tiin ka ngaihtuah ka ngaihtuaha, engvangin nge mifel.com tiloa misual.com a tih nachhan zeldin thu bawl chungin I lo thlir kual dawn chhin teh ang. Ni engzat tak he thu phuah tur hian in ngaihtuah ve tak ang maw? A tawp a tawp ah chuan hre chhuak tain ka in hria a, ka thawveng huai mai.

A pakhatnaah chuan kan Editor hi ringtu tha tak, fel tak, Pathian tih mi tak niin he khawvelah hian mifel reng reng, pakhatte mah an awm lo a, misual vek kan ni tih hre chiang em em turah ka han ruat nghal ngawta. Chumi hre reng chunga mifel.com tiloa misual.com ti niin ka hria a. mahse Articles tam tam ah Pathian thu vek inziak ka hmu bawk siloa, Topic hrang hrangah thenin Politics lam rawngkai te ka hmuh nual avangin Pathian rin vang ngawr ngawr a, misual.com a phuah chu a nih ka ring leh ta loa.

A pahnihnaah chuan Politician, ram leh hnam hmangaih em em tu niin ka han hre leh a. Kan chenna zoram zimte chhunga mipui hmangaih em em tu, an diklohna leh fellohna siamthat tuma, kan sualna vei em ema, he thu hi phuah niin ka hria a. kan zoram chhunga mi pamham leh vervekte, politician te duhamna leh zoram thalai rual Pathian lam hawisana, Drugs Addict leh Zua intallut leh Setana boihte an tam leh kan felloh em vang niin he thu hi phuah niin ka hre bawk. Mahse a chhungah Movies and pictures tithe leh Humours Etc etc te a awm nual avangin, Politics vang ni ngawta ka hriat loh avangin ka ngaihdan ka sawhsawn leh taa.

A dang pakhat lehah chuan kan Editor hi Literature a tui em em, ziak mi tak ni hian ka han hre leha. Achhanchu Literature a tui loh chuan website pakhat ringawt pawh hi enkawl leh vil reng ngai, uluk taka ven ngai, buaitsaih ngai anih avangin tlin leh peih reng chi niin ka hre lo. Chuvangin William Shakespeare a tupa ah ka han puh ringawta, dik tak maw! Mahse tlemin ka han ngaihtuah thui deuh a,thalai ziakmi chawkphura, an talent haichhuaktu ropui niin ka han hre leh zawka, mi rilru zau tak niin Zirtirtu ropui tak Plato-a tupa makpa niin ka hre leh zawk tlat pek . Michi hrang hrang ziak tir te te pawhin inthlahrung hauh loa, an ngaihdan, an veizawng an ziah ngamna a nitlat. Mahse chuvang nise misual.com a phuahna chhan ngawt hi a ni thei bawk silo.

A phuah chhan hi ka han ngaihtuah nasa khawpa, ka hre thei hlawl lo. Vawitam lutuk a phhuahchhan hre tur hian ka tawngtaia, a tawp a tawp ah chuan ka mit ata phuhlip ang hi a lo tla a, ka hrechhuak ta. Ka lawm lutuk hi “Eureka! Eureka” ti hian ka zuang tawr tawr maia. A phuahchhan hi chu a lo ho angreng khawp:

“A duh vang lekin a lawm le www.mi(sual).com a lo tih mai mai ni” Dik tak maw!

Similar Posts:

Recent Posts:

12 Responses to “Kan Editor pui roh hi”

  1. 1
    father_sphinx Says:

    nia misual.com hi chu a duh vang lekin a lawm le a lo tih le…lolz…

    Report this comment

  2. 2
    th38r0k3n Says:

    a diklo ang.

    Report this comment

  3. 3
    father_sphinx Says:

    dik ang….

    Report this comment

  4. 4
    benjamin Says:

    “Why misual? ” tih section kha awm thin a, a awm ta lo a ni.

    mi(sual) tih in a sawi tum chu:

    * Misual vek ka ni tihna a ni. Born Sinners kan ni bawk a.
    * Sual, Fel kan tih te hi a thirtu zir a ni.
    * Fel kan tih em em te pawh kha, midang chuan thil pakhat vang lekin sual an lo ti em em thei and vice-versa

    Kan nihna sawi a tum ber.

    THU tih tawh kha ka duh a, a tirah chuan. Mahse domain thu.com kha a awm tawh lova, a lo register tu chuan 1 million I neih chuan ka hralh palh ang a ti mai sia.

    Mizo Tawng ngei thumal tawih te kha ka duh sia. Thla hnih vel chu ka ngaihtuah.

    Report this comment

  5. 5
    3d-lover Says:

    In van ngaihtuah peih mai mai

    A ROSE BY ANY OTHER NAME, WOULD SMELL JUST AS SWEET.

    Report this comment

  6. 6
    Sandman Says:

    As I have written before in one of my old posts…
    Rummaging through the Junk

    Remember, there is a good in every evil. You and I may be junks, but no junk is beyond redemption. We must all look through the junk within ourselves and bring out the qualities that will make us a better Christian. Even at MISUAL.COM, take away the M, L and C, and you actually have “ISUA OM”.
    http://www.misual.com

    Report this comment

  7. 7
    mystic Says:

    ISUA OM ?? hmmm……. va thra reuh!!!!

    Report this comment

  8. 8
    senteii Says:

    misual.comah chuan Isua a lo om reng anih hi……

    BRAVO Sandy…….

    Report this comment

  9. 9
    Carrie Says:

    “….there is a good in every evil..” Tell that to horror film makers, will you ? hahaha

    Report this comment

  10. 10
    Bluepumpkin Says:

    I fully agreed with sandman……….

    Report this comment

  11. 11
    Retrovirus Says:

    A va lo ril ve isua om.. how bout misual om! Authors -Ru(a)L, father S(ph)in(x), Sa(n)dman,Re(el_)prodution etc ha ha (mittui hnaptui pumna urh) jus kiddin guys ur gr8. cos i don know how to even bring out a blank website (for blank people ha ha). Thawnthu hlui ka rawn thawh thar lehpalh a ni a, k junior lutuk a tin ni ngaidam2..wateva

    Report this comment

  12. 12
    mi(sual).com » Blog Archive » Kum 2 a liam ta Says:

    [...] dot com wateva me_myself_n_I – Khami zan kha ka la hrereng adelfos – A travelogue – I stranger – Kan editor pui roh hi spikey – Intro misualdotcom father_sphinx – A popular hangout nasty – misual xmas ‘06 prog [...]

    Report this comment