Zosap Pi Puii a boral

January 31st, 2007 6:25 pm by father_sphinx

Zosap Missionary Pi Puii (Miss G.P. Roberts) chuan India ram huna January 29 zan dar 8 khan Chatuan ram a pan ta. Pi Puii (Miss Gwyneth Parul Roberts) hi kan missionary-te zingah chuan a lar ber pawl a ni. A awm rei a, Durtlang Hospital a awp \hain damloten a rawngbawlna azarah damna an chang nasa a, Zoram khaw tinah hian Pi Puii enkawl dam an awm deuh vek a, a hmingthang em em a ni. Zoram Hmar chan Missionary-te zingah 19-na a ni.


Pi Puii hi Welsh mi ni mah se, a nu leh pa (Rev. F. W. Roberts) te hi Syhlet (chutih laia India ram)-a Missionary an ni a. Pi Puii pawh hi kum 1910, November 1-ah Syhlet-ah a piang a, a hming ‘Parul’ tih pawh hi Bengali hming a put tel a ni. Pi Puii hian Primary School atanga High School thlengin North Wales-a Rhyl khuaah a kal a. North Wales-a Bangor khua University College atangin I.Sc. a zo bawk a. Heta tang hian Cardiff khuaa National School of Medicine a zawm a, kum 1930-ah B.Sc. a zo va, kum 1933-ah M.B.B.Ch. degree a la leh bawk a ni.

Pi Puii hian India rama hmeichhe hmai khuhho, an pasalten an rah beh tlat zinga rawngbawl turin Pathianin a ko niin a inhria a. Hospital hrang hranga ‘experience’ nei tur khawpa a thawh hnu chuan Wales Presbyterian Kohhranah Missionary turin a inpe ta a. Missionary-a an tirh chhuah hmain Kohhran chuan zir leh turin London School of Tropical Medicine chu an zawmtir ve leh rih a. A zir zawh chuan Mizorama Durtlang Hospital-a thawk turin an rawn tir ta a.

Kum 1938-ah Mizoramah lo chhuakin December thla bul lamah Durtlang a lo thleng a. Hetih lai hian Durtlang Damdawi Inah Doctor an awm lo va, Damdawi In building pawh a la nep hle. Pi Puii a lo thlen hlim hian Pi Hruaii (Miss Gladys M. Evans) chu Dawmdawi In vawngtu a ni a. Ani hian Nurse Training-na tha tak a lo siam tawh a. Pi Puii pawhin Nursing School a rawn ngai pawimawh em em a. An pahnih hian theih tawp chhuahin Nursing School chu an enkawl a. Sapram Nurse zirlai bu chu Mizotawngin an letling a, kum 4 zir turin an buatsaih a. Kum 1981 thleng khan he Nursing School hi Mizorama Nurse puitling zirna awmchhun a ni. Damdawi In pawhin Nurse thawktu an lo indaih chho ve ta zel a ni.

Pi Puii hi inzai (surgery) thiam a ni bawk a, dam lo tam tak a zai dam a, a inpekna leh a thawhrimna chuan mite fak a hlawh thin hle. Mizoramah TB vei an tam tih hriain a enkawlna Ward hran a siam bawk a. Hmanraw tha an nei lo chungin TB vei tam tak an enkawl dam a. Hetih lai hian miten TB vei dam lote chu an \ih em em a, Pi Puii chuan enhranna tel miah lovin a enkawl thin a, nurse te leh mi dangte pawh chutianga ti ve tur chuan a fuih thin. Saprama a chawlh chhungin TB Ward sakna tur leh X-ray khawl leina tur a tuak a, thawhlawm te a khawn bawk a. Welsh Kohhran sum rawn pekte leh Mizorama Kohhran hrang hrang thawhkhawmte nen TB Ward tur inchhawng chu kum 1956-ah cement concrete-a sak a ni ta a. Tunah chuan TB enkawlna hi Sawrkarin a la tawh a, Zemabawkah sawn a ni.

Kum 23 lai Durtlang Hospital-a a thawh chhung hian Damdawi In a tiphuisuiin hma nasa takin a sawn a ni. A hun lai hian Damdawi In tui harsatna sutkian a nih theih nan Tuikhuah lian tak asiam a, tun thlengin Pi Puii Tuikhuah tia hriat a la ni.

Pi Puii hian a that lai hun zawng zawng Mizo mipuite tan a hmang a. A pa (Rev. F.W. Roberts), Syhlet-a kum 40 lai Missionary hnathawk, kum 1946-a pension chu thih ngamin a na a, a pa enkawl tur hian a chhungten an rawn chah a. Kum 1961 February thlaah a pa enkawl tur chuan Sapramah a haw thla a, a hnu lawkah a pa chu a boral ta nghe nghe a. A nu kum 80 mi chu kalsan chi a nih tawh loh avangin Mizoram chu a chhuahsan hlen ta a ni.

Saprama a haw hnu hian damdawi inah a thawk leh a. Hnimhlum (anaesthesia) pek hi a hna ber pakhat a ni. Kum 1978 thleng khan part-time in a thawk a, kum 1980-ah a pension ta a ni. Damdawi In lama a thawh bakah hian Kohhran lamah a inhmang nasa hle a, Sunday School-ah te, Thalai leh Nu-ho rawngbawlnaah te, Mission hna leh tanpui ngai Kohhran hminga tanpui lam hnaah te nasa takin a inhmang zui bawk a. Tin, khawtlang lam rawngbawlnaah pawh a inhmang nasa em em bawk. An rama a haw hnu pawh hian Mizoram tan thahnem a la ngai em em reng a. A thiante hnenah chanchinbu hluite paih mai lo va dahtha zel turin a ngen a, chung chu Inrinniah lakhawmin Bazarah a zuar leh a. Chuta a hmuh chhuah chu Mizorama kan Kohhran tihdam rawngbawlna atan a pe thin a ni.

Mizorama a rawngbawlna bakah Saprama a hawn hnua khawtlang leh Kohhrana a hnathawh that chawimawina atan British Sawrkar atangin chawimawina sang MBE (Member of the British Empire) chu kum 1997 khan a dawng nghe nghe a ni.

Pi Puii hi Saprama a haw hnu hian Mizoram vawi 2 a lo zin leh a. Kum 1988 tawp lamah khan Durtlang Damdawi In chuan kum 60 a tlinna (Diamond Jubilee) a lawm a, Pi Muani (Miss May Bounds), Durtlang Damdawi Ina Nurse hna rei tak lo thawk tawh nen an lo zin dun a. Mizoram Gospel Centenary (1994) lawm tum khan Missionary dangte nen an lo zin leh bawk a ni. Hemi hnu hian Mizoram Synod hotute leh Kohhran Hmeichhe hruaitute chuan a chanchin hi an ngaihven ve reng a. Mizoram Presbyterian Kohhran Hmeichhiate chuan kum 2005 Kohhran Hmeichhe Ni-ah Pi Puii Chanchin hi an zirho nghe nghe a ni.

Kum 90 ral a kai hnuah Pi Puii hi a lo chak lo ve ta tial tial a. A tluk sualnaah a malpui ruh a titliak a. An zai a, a tha chhuak thei meuh lo va. Amah a lo upa tawh nen, amahin a inenkawl thei ta lo va, Prestatyn Tar enkawlna hmun “Care Home”-ah dah a ni a. Tun hnaiah natna dang dang leh thawhahin a tlakbuak leh a, Prestatyn Hospital-ah enkawl a ni a. January 29, kan rama zan dar 8:00 vel khan a rawngbawl thin a Lalpa hnenah chawl hahdam tawh turin he khawvel hi a lo chhuahsan ta a ni.

Synod chuan Feb 3, 2007 (Inrinni) chawhma dar 11 hian Durtlang Presbyterian Kohhran Biak In ah Pi Puii sunna hun hi a hmang dawn a ni.

Synfo (c) 2006 : All rights reserved. Synod Information & Publicity, Synod Office Top Floor, Mission Veng : Aizawl

————————————————————-

(Sorry J, there was a double post… – father_sphinx)

Similar Posts:

Recent Posts:

12 Responses to “Zosap Pi Puii a boral”

  1. 1
    SiLent_Man Says:

    Khai aw! Va zialo tih tur nge ropui tih zawk tur pawh ka hrelo. Pi, Muanni, Pi Teii leh Pi Puii hi chu kan hriat chian ve phak deuh an nia an uiawm hle mai.

    Report this comment

  2. 2
    popsugar Says:

    may her soul rest in peace !!!!!!

    Report this comment

  3. 3
    Zorun Says:

    Mizo hnam tana an contribute te hi Mizote khawvela kan awmchhung chuan hriatreng an ni ngei ang. An mahni vanga tun dinhmun hi thleng thei kan ni chauh si a..An mi hmangaihna kha a lo hlu thin mange.

    Report this comment

  4. 4
    virgochhas Says:

    nula in a boral mi…pasal leh fa te lam va lang lo ve…

    Report this comment

  5. 5
    spide Says:

    Mizo mi ropuite zingah chhiar tel ve tlak ngawih ngawih niin ka hria kei chuan, kan ram hetiang kan thlen theih nachhan hi anmahni, kan zosap te vang hi an ni a, kei chuan mizo zingah hian ka chhiar tel ve lo thei lo a ni, news a ka han en pawh khan a mizo tawng lam kha a pai tam lo reng reng a ni. Mahse, khawvel chu inthenna ram a ni a, a kalna tur a chiang a, he khawvel kan kalsan hunah chiang jawk a la inhmu leh turin kan thlah tawh mai a ngai si chu a nia le(h)!!! Hre chiang ve lo mah ila, mizote’n kan mi ngaihsan awm kan chan leh ta chu a nih hi maw!!!

    Report this comment

  6. 6
    myself Says:

    a va pawi em aw…………may her soul rest in peace

    Report this comment

  7. 7
    taking cialis Says:

    taking cialis

    news

    Report this comment

  8. 8
    hydrocodone online Says:

    hydrocodone online

    news

    Report this comment

  9. 9
    cheap phentermine Says:

    cheap phentermine

    news

    Report this comment

  10. 10
    danger levaquin zithromax Says:

    danger levaquin zithromax

    news

    Report this comment

  11. 11
    Says:

    Report this comment

  12. 12
    ÄÅÌÎÍÒÀÆ ÊÎÍÑÒÐÓÊÖÈÉ ÇÄÀÍÈÉ Says:

    ÏÐÎÌÛØËÅÍÍÛÉ ÄÅÌÎÍÒÀÆ…

    minny…

    Report this comment

Leave a Reply

You must be logged in to post a comment.