mi(sual).com

HUMAN RIGHTS AND LAW NETWORK, MIZORAM TEN HMEICHHE CHUNGA HLEIHLENNA KAN DEM A TUN HNUAH THLENG TAWH LO SE KAN DUH

Ni.28.November 2006 khan Tlingi leh Felicia (Blue Corn)-te chu nilenga Recording Studio-hah tak leh rim taka hna an thawh zawhah an inlam pana an kal laia, Tling zawk eitur lam zawk tura dawr a kal chu tlangval pahnihin “ In hur ka ring” tih leh zahmawh rawngkai tawnglam bawlhhlawh tak takin an lo chhaihnawmnah a, Tlingi mangmang chu a tap ta ringawt a, a thiannu leh anmahni hruaitute motora a tanga lo chhuk a, a thlavang an hauh hnu pawhin “An hur ka ring a ni mai a” tiin a la diriam zui zel a ni. Hmeichhe chak lo leh awmnem a ni a, nidanga hetianga chhaihnawm nahna hi a la tawn loh vangin na a ti hial a, a taksa leh rilru lam pawhin nasa takin a tawrh phah a, an lungawi loh thu Bawngkawn Police-ah an thlen ta a ni. Police ten hmeichhe chunga mawilo tak che a, hmeichhe zahawmna bosal a, mihring dikna chanvo palzuttute an man hnu hian thiltisuala puh hian “Officer fapa ka ni a, ka tang rei awm chuang lo” a tih leh a nuin FIR thehluhna tham a ni lo ti bawk a. Tin, “pawisa engzatnge inlungawina tawk” tiin Tlingi te hi phone-in a be bawk a ni. Tlingi hian a zahawmna hi pawisa in a leitheih loh thuin a lo chhang nghe nghe a. Heihi tawngkam te hi tha lo kan ti a, Dan hian miliante a thliar lova, Dan hmaah chuan mi zawng zawng kan intluk tlang vek a, Dan kengkawhtute hnena kan dikna chnvo humhlah tura kan kalah te lua leh lian lua a awm lova, mipuite himna leh ralmuang taka kan awm theihna min palzutsaktu an awm chuan kan zual ko thei vek a ni

Hetianga hmeichhe zahawmna bosal tak leh tibawrhbang zawnga hmeichhe unga hleilenna thleng thin hi pawi kan ti hle a, tunhnuah thleng tawh lo se kan duh a ni. Tlingi-in a mimal zelenna leh zahawmna, a dikna chanvo humhim tura Dan kengkawhtute hnena a zualko ngam hi fakawm kan ti a, a tawp thlenga tang ngam turin kan beisei bawk a. Ramchhunga mi pawimawh mitn hriat anih anga a hmeichhiat puite tana hmahruaitu ani ngam vangin kan chhuang hle bawk a ni.

Hmeichhiate hi chak lo leh awmnem, mahni pawh invenghim thei lo an nih vangin Dan-in nasa takin a humhalh tih Mizo hmeichhiate an hriat a tul hle a, mualpho hlauh vang te, inngaihdam uar lutuk vangte leh nachang hriat loh vanga, mahni mimal zahawmna leh dikna chanvo humhalh thei lo, taksa leh rilru natna tuar thin ten an mimal zahawmna, an dikna chanvo humhalhna chang an hre lo/ngamlo thin hi pawi kan ti a. Mahni dikna chanvo, mimal zahawmna leh zalenna humhalha humhim hi mahni mawh a nihna a awm a, tawngkam, chetziaaleh kutthawh meuha chhiahnawmnah lawm zawk niawm taka nuih uar uar thin hmeichhiate chu anmahni zahawmna an tibawrhbang tihkan hriat   a. Hmeichhia ten an mimal zalenna leh zahawmna, an dikna chanvo an humhalh hi an mawh pawh a ni.

Human Rights & Law Network
Aizawl, Mizoram
humanrights_aizawl@yahoo.co.in

Similar Posts:

• Pawl hniam lam zirlai fail tir thin hi
• Homosexuality hi Bible-in engtin nge min zirtir?
• MTP thlawpna Y4M-in hnukdawk
• Mizoram buai lai research
• MIZO TE HI HNAM DAWIHZEP TAK KAN NI.

Recent Posts:

• Hnung Lama ZU Barh
• Biakin len zawng?
• Eng Browser nge chak i tih a, i hman thin?
• Friday MusicVideo post :D
• Mual hla kar danah i liam ta a (Ka version ve thung aw)

This entry was posted on Sunday, December 3rd, 2006 at 5:38 pm and is filed under News. You can follow any responses to this entry through the RSS 2.0 feed. You can leave a response, or trackback from your own site.