March 20th, 2010 10:54 am by kawlhawk
Nimin maiah Porn Movie chungchang kan khel zo chiah a, tunah hetiang (Sex) lam kaihhnawih bawk Post a’n ngai leh ta hi ka inthiam lo viau na-a…
Nizan Dar 8 velah khan ka phone a rawn ri ral ral a. Ka thianpa, Seling chhak, khawlian ve taka cheng a ni. Tawkfang kan inbiak hnu chuan… “Thianpa, Hurna ka duh!” a ti ta mai, a fiamthu emaw ka ti hial a. Mahse, a lo fiamthu awzawng lo… Ka thianpa hi pianphunga mi pangngai tak leh mi hrisel tha ve tak a ni. Nikum kumtir khan nupui nalh zet mai a nei ve a, chuta tang chuan a rualban lohna a rawn lang ta! Kar khatah trum 1 bak Sex ka hmanpui thei lo, chu pawh tih hram hram (Running) ngial a ngai… Chàk chu ka cháka, ka puitlin thei lo…a rawn ti thlawt a!
Hna tul avanga amah a rawn chhuk hman mai loh thu leh a mangan thu te a rawn sawi luam a. Doctor han hmuhsak tura hun ka la neih remchan loh lam chu thuhran nise, Misual zingah hetiang lama thiamna nei leh tawnhriat lo nei tawhte atangin a mah, ka thianpa mai ni lo, hetiang ang harsatna nei ve dangte tan Thurawn emaw, Damdawi tha (Hurna/ Chakna), Side Effect awm si lo emaw, tihdan bik riau emaw hria in awm mial em? Chawlhni-ah ka rawn be leh ang che a ti, engtin nge ka lo chhan dawn?
“He Post hi Sex uchùak leh ngialngan tak taka sawina Huangah chan tir lo hram i la; Chuan… kawlhawk hi nangmâ tan i thianpa i rawn puh zaih zaih a…” tih awi loh. Kei chuan Pathian zarah Damdawi rèng ka la mamawh lo e. 
Posted in ask |
24 Comments »
March 20th, 2010 7:52 am by Jay C
He video clip “COW” (zirtirna nei that tak) hi Wales chhim chhak khaw pakhat Tredegar an tihah chan ani a, he film hi khawvel ram hrang hrang ah pawh hriat a hlawh hle ani. A changtute hi school zirlai leh County police te an ni na in, an chang thiam hle ani. Motor khalh pah a text (SMS) thawn leh dawn a that lohzia chiang takin an rawn tarlang ani.
Read more »
Posted in Education, Movies and Videos, whatever |
10 Comments »
March 20th, 2010 2:46 am by hlatekhua
Mizoram sorkar leh mipuite khawsazia a mak ka tih thin em em mai ka’n sawi ve teh mai mai ang. Kan thil vei zawng leh ngaihmawh zawng kan thlak zung zung leh kan chhui zui tha peih mawlh lo hi mak ka ti tawlh tawlh mai. Entir nan, MNF sorkar lai khan mobile medical unit (van) an leiho kha a motor hlui cheithat a ni tiin khatih laia opposition lama awm te khan an tlangaupui nasa hle a.
A thlalak, video leh still, TV-a an tihchhuah chuai chuai te kha kei pawhin ka hmu ve a, ka hmuh ve chin kha chu a hlui ni ngeiin ka hria. Motor thar hlak hi ka nei ve nual tawh a, khatiang kha a ni ngai miah lo! Kha thil kha tha lo ka tih ve em avangin a dik lohzia auchhuahpuitute kha ka tan rilru ve hle thin.
Read more »
Posted in Opinion, Politics |
18 Comments »
March 20th, 2010 12:35 am by Lianhmingthanga Sailo
Pawisa thir (Coin) leh Sum leh Pai (Money) awmna ramah hian thil engkim mai hian hming putchhan tamtak a awm a. Chung zinga tlemte chu i han tarlang teh ang:
Money: Roman ho hunlai khan Juno chu thil hlauhawm thlengtur lo hriattir lawk thintu Pathian a ni a. Roman ho chuan A hnena lawmthu sawi nan rimtui a hnenah an hlan thin a. An pawisa leh rosum venghimtu- ah an ngai a ni. Chuvang chuan Juno Moneta an ti a. Moneta tih hi Latin thumal Moneo tih atanga lokal niin ‘Money‘ kan tih hi a lochhuak ta a ni.
Coin: Latin thumal Cuneus atanga lokal a ni.
Dollar: Bohemia atanga a hming hi lochhuak a ni. Silver laihchhuahna hmun Joachimsthaler- ah a awm a. Hetih hunlai hian ‘Thaler‘ tia hriat a ni. A hnudeuhvah a lamdan ang hian ‘Dollar‘ an ti zui ta.
Dime: Latin thumal Decimus Sawmna tih atanga lokal a ni.
Read more »
Posted in Information |
22 Comments »
March 19th, 2010 9:14 pm by ZOaTlau
Vawiin chawhma khan Chief Minister leh Finance Minister ni bawk Lal Thanhawla chuan Budget Session neihah kum 2010-2011 Mizoram budget a pharh a, budget pumpui hi cheng vaibelchhe 3577.91 a ni. Planning Commission lamah budget hi la sawi tur a nih avangin kumina plan-ah hian cheng vaibelchhe 1250, nikum budget zat chu dah rih a ni a, kum kaltaa Mizoram economy thanna chu 7.2 % a ni.
Lal Thanhawla hian vote on account budget a pharh lo a, regular budget pharhin Planning Commssion Delhi lamah plan size hi kar leh hian an sawi dawn a, supplimentary-in budget size hi pharh leh a ni ang.
Mizoram sawrkarin North Eastern Council (NEC) atanga sum a hmuh zat tur hi budget speech-ah hian sawi lan a ni rih lo a, Centrally Sponsored Scheme (CSS) atanga hmuh zat tura ruahman chu cheng vaibelchhe 193.25 a ni.
Read more »
Posted in Economics, News |
27 Comments »
March 19th, 2010 7:35 pm by Goldmember
Zan dar 7/8 hnu lamah Durtlang lama kal thin te chuan heng Bike intlansiak te hi kan hmu tawh ngei ang. Hmanni ka Aizawl haw lai khan zan dar 8 vela ka haw chhoh laiin heng intlasiak te zing ami accident lai ka hmu bawk a mahse vanneithlak takin a na em em lo. Anmahni tan leh mipui tan a hlauhawm thin khawp mai.
Bawngkawn Police Station duty-te chuan Bawngkawn leh Durtlang inkar Chawlhbuk bula bike-a intlansiak ching mi 14 nizan khan an man a, heng mite hman bike 11 pawh an hrensak bawk. Bawngkawn Police te hian nizana an mi man te hi driving license leh document kawl lo an nih nual avangin lock-up ah an khung a, vawiin khan pawisa chawitirin heng mite hi an chhuah leh an ni. An mi man zingah hian Traffic police leh IR Constable pawh an tel ve ni a thu dawn a ni. Bawngkawn Police Station atanga thu dawn danin, an Station huamchhungah zana bike-a intlansiak chingte chu intlansiak tawh lo turin an lo ngen tawh thin a, kumin chhung ngawt pawh hian tum li vel chu, heng mite hi an lo hnawtdarh tawh a. Heti chung hian heng intlansiak chingte hian thu an zawm tha duh lo hle a, tunhnai lawk khan intlansiak lui mi 12 an lo man tawh a ni.
- http://zonet.in/?p=4572
Posted in News |
44 Comments »
March 19th, 2010 5:55 pm by ZamZam
Khawvel a changkang zel a. Mizote pawhin changkanna um ve zel in, website-te kan siam ta nual mai, a lawmawm hle in ka hria. Heng Mizo website kan neih hrang hrangte hian an thu ken a in ang lo a, siam chhan lah a inang lo niin a lang. Hemi avang hian tlawh bik pawh kan lo nei a ni thei e.
Kan ril rem zawng tak a website an duanah kan su deuh tluk tluk a nih pawh in pawina a awm lem chuang lo. Mizo website hrang hrang Admin-te an in pawh tlan del del lai hian, kan tuipui site tan lutuk avanga lehlam sawi hnawm leh kilkhat a in khei keuh keuh ching an awm thin niin ka hmu, enge in ngaih dan?
Tin, Mizoram sawrkar Dept. hrang hrang pawh in sum tamtak seng a website an siam hi enkawl zui a hlawh lutuk lo niin in hre ve em?
Posted in Opinion |
39 Comments »
March 19th, 2010 2:59 pm by vl316jesus
Youth For Christ tan liau liau site siam thar a ni a, Mizoram chhung a mi chang ni lo, Mizo thalai te, Krista ngaina tu te, hmun hrang hrang a awm te pawh in an pan chawt chawt mai. Site thianghlim, nun kawngdik kawh hmuh thei, Pathian nen a kan nun min hnaih tir theitu a ni. Kan Mizo thalai ten hman tangkai an thiam chho zel e.
Hmasawnna leh Mizo thalaite nun min siam that saktu tangkai tak a nih chhoh zel theih nan, Zoram chhung leh pawn a Amah ringtu zawng zawng te tawngtai sakna kan ngen tak zet a ni. (Site thar anih a vang in i duh ang zat post leh thuziak chhiartur i nei kher lo mai thei, mahse chu hna(lehkha ziah) chu nangma tihtur liau liau a tan Lalpan a mamawh che a ni)
YOUTH FOR CHRIST lo tlawh ve ngei ang che
Posted in Information, Religion |
24 Comments »
March 19th, 2010 2:47 pm by ramhmangaiha
Hman atanga nuna kan lo chan fo tawhna Sairang Lui-ah Ramhlun Vengchhak KTP Blanket su zinga mi pahnih an tlahlum leh ta- a va pawi thin tak em… Ral khat atang chuan tihsual a awl em a, vanduaina tawkte hi tute nge an nih tih erawh ka la hrechiang ngam lo.
admin update : Vanduaina tawk te hi Lalfela leh Lalfakzuala te an ni.
Posted in News |
44 Comments »
March 19th, 2010 11:55 am by H.Vangchhia
Hman deuh khan LIVE-IN chungchang hi kan khel hrep tawh khan ka hria a mahse, ka rilru a la kap riau avangin ka han thar thawh leh dawn a nih hi!
Engpawh chu lo ni ta se, India ramah hian students, workers ho thahnem tak chu an ngaihzawng te nen inkhat a khawsa ho in, nupa ang deuh maiin an awm tih kan hre fur awm e. Hei pawh hi chhuanlam dang kan siam ang tho in, “ram changkang zawkah pawh an ti tho alawm,” etc tih ang zawng a sawi a awm thin. A nih chuan ram dang, Americans ang te hian live-in ang hi lo ti thin an nih pawn “eng vang nge” tih ka hriat dan tlem ka sawi ang.
America ah hian nupui pasal inneih hi Ram dang ai hian a awlsam zual emaw tih tur hi a ni a, inneih tir thei hi an tam em em mai a, sumdawnna/eizawna atan a hmang pawh an tam hle mai. Inneih a awlsam ang hian inthen erawh chu harsa tak a ni thung lawi si a. State tin hian dan hrang an nei theuh nangin, inthen tur te hian a tlangpuiin kum khat an nghah angai thin.
Read more »
Posted in Opinion |
66 Comments »
